Informatiounsversammlung Télévie 2022

Léif Matbiergerinnen, léif Matbierger,

Samschdes, de 7. Mee 2022 mobiliséiert sech ganz Lëtzebuerg erëm fir den Télévie an d’Gemeng Mäerzeg ass deen Dag en Télévie-Zenter.

Duerfir invitéiere mir all Veräiner, Associatiounen, d’Schoul, d’Maison Relais, oder soss Ententen a Clibb, an natierlech d’Awunner aus der Gemeng, sech solidaresch ze weisen a sech mat der Gemeng un dëser Aktioun ze bedeelegen.

Eng Informatiounsversammlung ass en Donnëschdeg, 18. November 2021 um 19:00 Auer am Centre Turelbaach zu Mäerzeg mam Diane Wunsch, Coordinatrice vum Télévie a Patrick Greis vum RTL.

Et wier schéin Iech do begréissen ze kënnen, fir datt mir zesummen e flotte Programm opstellen. Ween also eng Idee huet fir eng flott Aktioun, soll se deen Owend roueg matbréngen.

Umellen kënnt Dir Iech iwwer E-mail un population@mertzig.lu oder iwwer Telefon um 83 82 44 – 1. D’Evenement fënnt ënnert dem CovidCheck Regime statt.

Gitt der Hoffnung eng Chance an maacht mat beim Télévie.

De Schäfferot